“သတိကြီးကြီးထား အင်အားကို တသားတည်းပြသရမယ့်အချိန်”
အခုအချိန်မှာတော့ မြန်မာနိုင်ငံပြည်သူလူထု ကြီးက တိုင်းပြည် ကို ဘယ်သူဦးစီးခေါင်း ဆောင်စေချင်တယ်ဆိုတာ၊ ဘာကို ပြင်းပြင်းထန်ထန် လိုလားတောင်းတနေတယ်ဆိုတာ မြင်သာထင်ရှားဖြစ်လာပါပြီ။ တိုင်းပြည်တပြည်ရဲ့ နိုင်ငံရေးဦးဆောင်မှု ကဏ္ဍမှာပါ ၀င်ချင်တယ်ဆိုရင် ပါဝင်နိုင်လောက်တဲ့ အရည်အချင်း ကိုယ်ကျိုးစွန့်အနစ်နာခံမှု တရား မျှတမှု မေတ္တာတရား သစ္စာတရား တွေရှိရပါမယ်။အဓိကကတော့ တိုင်းပြည်တပြည် ရဲ့ အာဏာစီးဆင်းရာ၊ အာဏာရဲ့ မူလပိုင်ရှင်ဖြစ်တဲ့ ပြည်သူလူထုကြီးရဲ့ နှစ်လိုမှု ယုံကြည် ထောက်ခံမှုပဲဖြစ်ပါတယ်။ ဒါပေမယ့် အဲဒီအချက်ကိုရယူဖို့ ဆိုတာလည်း ပထမအချက် တွေမရှိဘဲမရနိုင်ပါဘူး။ ဘယ်နှစ်ရာနှုံးပေးရမယ်ဆိုပြီး လက်နက်အားကိုးနဲ့ အတင်းယူ ရင်တော့ ဓားပြတိုက်တာပါပဲ။ ဓားပြဟာဓားပြပဲ ဖြစ်ပါတယ်။
အခုကျနော်တို့မြန်မာနိုင်ငံမှာ အဲဒီလိုအခြေအနေကို ဘယ်သူရရှိထားပါသလဲ။ စုံစမ်းရေး ကော်မရှင်ဖွဲ့နေစရာ မလိုပါဘူး။ကြည့်သောသူသည်မြင်၏ ဖြစ်ပါတယ်။ တိုင်းပြည်တ ပြည်ရဲ့အာဏာကို လက်နက်အင်အားနဲ့လုယူပြီးပြည်သူလူထုကြီးတရပ်လုံးကို သေနတ် မိုးအုပ်ချုပ် ကိုယ့်နဲ့သဘောထားဆန့်ကျင်ကွဲလွဲသူတွေကို တရားလက်လွတ် နှိပ်စက် ညှင်းပန်းပြားပြားမှောက်နေရအောင်လုပ်နေတဲ့ လုပ်ရပ်ကတော့ ဘယ်ခေတ်ဘယ် အခါ ကပဲဖြစ်ဖြစ် အဓမ္မ မှုသာဖြစ်ပါတယ်။ လူသားတွေရဲ့ ဂုဏ်သိင်္ခါအရ အလွန်ရိုင်းပြ မဖွယ် ရာတဲ့အပြုအမူ ဖြစ်ပါတယ်။ ဗုဒ္ဓရဲ့မင်္ဂလာတရားတော်နဲ့မညီညွတ်သလို အဆုံးအမသြ၀ါ ဒတွေနဲ့လည်း မညီညွတ်ပါဘူး။ လူရိုင်းတွေ လူရမ်းကားတွေ လူမိုက်တွေရဲ့ လုပ်ရပ်ပါ။ အဲဒီလုပ်ရပ်တွေကို စဉ်ဆက်မပြတ်လုပ်နေသူတွေဟာ ဘယ်သူတွေပါလဲ။ ဒါကို ကျနော် တို့တိုင်းပြည်ကတိုင်းရင်းသားလူမျိုးစုတွေအပါအ၀င် ပြည်သူလူထုအားလုံးက မျက်ဝါး ထင် ထင်တွေ့မြင်ခဲ့ကြ၊ တွေ့မြင်နေရဆဲဖြစ်ပါတယ်။ ဘယ်သူကမှားလို့ ဘယ်သူတွေက မှန်ပါသလဲ။ သာမန်အသိတရားနဲ့တင် မြင်သာထင်ရှားဖြစ်ပါတယ်။
ဘယ်သူ့ဘက်ကရပ်ကြမှာပါလဲ။
ကျနော်တို့ရဲ့လူထုခေါင်းဆောင် ဒေါ်အောင်ဆန်းစုကြည်လွတ်မြောက်လာပြီးတဲ့နောက် ပြည်သူလူထုကြီးရဲ့ ကြိုဆိုလက်ခံပုံ ထောက်ခံအားပေးပုံ ဆန္ဒသဘောထားပြသကြပုံ တွေကို တွေ့ရတဲ့အခါ တိုင်းပြည်အတွက် အပြောင်းအလဲတခုကို တကယ်တန်းပြောင်း လဲလို့ ရနိုင်လောက်အောင် အင်အားကောင်းတယ်ဆိုတာကို တွေ့ရပါတယ်။ ပြည်သူလူ ထုကိုပြောကြားလိုက်တဲ့ လူထုခေါင်းဆောင်ရဲ့စကားဟာလည်း အင်မတန်မှန်ကန်ထိ ရောက် တိကျပါတယ်။ ဒီမိုကရေစီဟာ တဦးတယောက်တည်းအတွက် တဦးတယောက် ထဲက လုပ်လို့မရပါဘူး။ အားလုံးပူးပေါင်းပါဝင်ဆောင်ရွက်မှ ရပါမယ်။ ပါဝင်ဆောင်ရွက် ကြပါ၊ ထောက်ခံနေရုံနဲ့မရပါဘူး။
ကိုယ်လိုလားတဲ့အရာကို ရအောင်လုပ်ရဲမှ၊ လုပ်တတ်မှ၊ လုပ်မှလည်းရနိုင်ပါလိမ့်မယ်လို့ ပြောသွားခဲ့တာပါ။ ဒါကို ကျနော်တို့ ပြည်သူလူထုတွေ နားလည်ကြမှာပါ။ အားတက်စရာ တွေမြင်ရကြားရသလို အားပျက်စရာ စိတ်ပျက်စရာတွေကိုလည်းတွေ့ရ ကြားရပါတယ်။ ရွေးကောက်ပွဲကြိုကာလက ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်က ရွေးကောက်ပွဲမ၀င်၊ ရွေးကောက်ပွဲမှာ မဲမပေးကြဖို့ ပြည်သူလူထုကို တိုက်တွန်းခဲ့ပါတယ်။ ဒါဟာ ပါတီခေါင်းဆောင်တဦးတည်းရဲ့ဆုံးဖြတ်ချက်မဟုတ်ပါဘူး၊ ဗဟိုအလုပ်အမှု ဆောင် ကော်မီတီဝင်တွေ၊ ဗဟိုကော်မတီဝင်တွေနဲ့ လူများစုသဘောထား ဆုံးဖြတ်ချက် ဖြစ်ပါတယ်။
ပြည်သူလူထုကတော့ အသိတရားအတွေးအခေါ်အရ၊ လူတန်းစားစရိုက်သဘာဝအရ ပကတိရှိနေတဲ့အခြေအနေအရ ကွဲပြားကြလို့ အားလုံးမဲမပေးရေးဆိုတာကို မရနိုင်ပေ မယ့် မဲမပေးရေးလှုပ်ရှားမှုဟာ အောင်မြင်တယ်လို့ ပြောလို့ရပါတယ်။ ဒါပေမယ့် ပါတီ တခုထဲက တကယ်တန်းတာဝန်ကြီးသူတွေ၊ အတိုင်းအတာတခုထိ လူထုရှေ့က ရပ် တည် ဦးဆောင်ခဲ့သူတွေကိုယ်တိုင်က ရွေးကောက်ပွဲဝင်ဖို့ ပါတီခွဲထောင်လားထောင်ရဲ့၊ တချို့ပါတီခေါင်းဆောင်ဆိုသူတွေကလည်း လူထုကိုမဲပေးဖို့၊ မဲမပေးရင်ဘဲ ရထားတဲ့အ ခွင့်အရေးကိုအဆုံးရှုံးခံလိုက်သလို တိုက်တွန်းပြောဆိုခဲ့တာတွေ ကြားခဲ့မြင်ခဲ့ရပါတယ်။ ဒါဟာဘာကိုပြနေခဲ့သလဲဆိုရင်….
တိုင်းပြည်စစ်အာဏာရှင် လက်အောက်ကလွတ်မြောက်ဖို့ ယုံကြည်အားထားထိုက်တဲ့ ဦးဆောင်ပါတီနဲ့ ပါတီခေါင်းဆောင် လူထုခေါင်းဆောင်တယောက်ရဲ့ တိုက်ပွဲလမ်းညွှန်မှု ကို မနာခံမလိုက်နာတာကို ပြသတာပါပဲ။ တကယ်လို့များ အားလုံးတညီတညွတ်တည်း ရွေးကောက်ပွဲမှာ တင်းခံ မဲမပေးဘဲနေခဲ့ကြမယ်ဆိုရင် အကျိုးရလဒ်ဟာ အနေအထား တမျိုးဖြစ်သွားမှာဖြစ်သလို နိုင်ငံရေးအခင်းအကျင်းလည်းပြောင်းလဲသွားမှာဖြစ်ပါတယ်။ တိုက်ပွဲပုံသဏ္ဍန်လည်း ပြောင်းလဲကြရမှာ ဖြစ်ပါတယ်။ ဒါပေမယ့်…
ခုတကြိမ် လူထုခေါင်းဆောင်ဒေါ်အောင်ဆန်းစုကြည်ကို တိုင်းပြည်ကပြည်သူလူထု ယုံ ကြည်ရွေးကောက်တင်မြှောက်ခဲ့တဲ့ ကိုယ်စလှယ်ကြီးတွေ တိုင်းရင်းသားကိုယ်စလှယ် ခေါင်းဆောင်တွေက ဒုတိယပင်လုံလို့ခေါ်နိုင်တဲ့ လူမျိုးစုံညီလာခံကြီးတခု ဖြစ်မြောက် အောင်မြင်အောင်ကျင်းပပြီး ပြည်သူလူထုလိုလားတဲ့ ဒီမိုကရေစီနိုင်ငံတခု တည်ဆောက် ဖို့ တာဝန်ပေးလိုက်ပါတယ်။ လွတ်မြောက်ခါစပဲရှိသေးပေမယ့် လုပ်သင့်လုပ်ထိုက်တဲ့ ကောင်းမွန်တဲ့ လုပ်ငန်းဖြစ်လို့ တာဝန်ဟာကြီးမားလေးလံလှပေမယ့် တတ်နိုင်သမျှကြိုး စားလုပ်ဆောင်ပေးဖို့ ဒေါ်အောင်ဆန်းစုကြည်က ကတိပေးစကား ပြောကြားခဲ့ပါတယ်။
အလွန်ခေါင်းဆောင်ကောင်းပီသသလို ရဲရင့်ပြတ်သားပါတယ်။ ဒါဟာ စစ်အာဏာရှင် တွေ ဆတ်ဆတ်ထိမခံတဲ့ကိစ္စဖြစ်မှန်း လူထုခေါင်းဆောင်ကသိပါတယ်။ သိသိကြီးနဲ့ကို ဒီတာဝန်ကိုလက်ခံခဲ့တာပါ။ ဒီတာဝန်ဟာ တကယ်လည်းခက်ခဲ အန္တရယ်များပါတယ်။ အလွန်သတိထားပြင်ဆင်ဆောင်ရွက်ရမယ့်ကိစ္စပါ။ ဒါပေမယ့် မဖြစ်နိုင်ဘူးတော့မဟုတ် ပါဘူး။ ဖြစ်အောင်အားလုံးတညီတညွတ်တည်းဝိုင်းဝန်းဆောင်ရွက်ကြရမှာပါ။ဒီအချိန်မှာ ပဲ ရွေးကောက်ပွဲဝင်တိုင်းရင်းသားပါတီတခုက ခေါင်းဆောင်တစုက အချိန်မတိုင်သေး ဘူး စောသေးတယ်လို့ ထုတ်ဖော်ပြောဆိုလာတာကို တွေ့လာရပါတယ်။
တချို့ရွေး ကောက်ပွဲဝင်ပါတီခေါင်းဆောင်တချို့ကလည်းပြောလာပါတယ် အကြောင်းပြ ချက်တွေ ကိုယ်စီနဲ့ပေါ့လေ။ စစ်အစိုးရက ဦးဆောင်ပြီးပင်လုံညီလာခံလို ညီလာခံမျိုး ကျင်းပပေးမယ့် အချိန်ကိုစောင့်မှာလား။ စစ်အရေခွံလဲ အစိုးရသစ်ရဲ့လွှတ်တော်ထဲ ရောက်မှ အသနားခံပြီးပြောကြမှာလား၊ ခုတော့ လွှတ်တော်ထဲမှာဘာမလုပ်ရ လုပ်ရင် ထောင်ဒဏ် ဘယ် လောက်ဆိုတာ စတွေ့လာရပါပြီ။ ရွေးကောက်ပွဲဝင်ပါတီတွေ၊ အနိုင်ရ ပါတီတွေ ကိုယ်စ လှယ်ဆိုသူတွေစဉ်းစားကြပါလေ။
ကျနော်တို့လုပ်သင့်လုပ်ထိုက်တာကို လုပ်တတ်မှ လုပ်ရဲမှ လုပ်မှ ရမယ်ဆိုတာကတော့ အသေအချာပဲဖြစ်ပါတယ်။ အလွန်မှန်ကန်ပါတယ်။ အဲဒီအတွက် အချိန်ကိုက်ဆုံးဖြတ် တတ်မှလည်းဖြစ်ပါတယ်။
တိုက်တိုက်ဆိုင်ဆိုင် ဒီမနက် အယ်လ်ဂျာဇီးယား သတင်းဌာရဲ့အစီအစဉ်တခုမှာ Procrastination အကြောင်းခေါင်းစဉ်တင်ပြီး ပညာရှင်များဆွေးနွေးသွားတာကို တပိုင်း တစနားထောင်လိုက်ရပါတယ်။ မှတ်သားစရာတွေပါပဲ။ စကားပုံလာအတိုင်းကတော့…
“Procrastination is the thief of time.” ဖြစ်ပါတယ်။
ကျနော်ရေးခဲ့ဖူးတဲ့ဆောင်းပါးတပုဒ်မှာလည်း (ခေါင်းစဉ်တော့မမှတ်မိတော့ပါ) တော်လှန် ရေးခေါင်းဆောင်ကြီးတယောက်ရဲ့ အဆိုအမိန့်တခုကို သတိပြုဆင်ခြင်နိုင်ကြဖို့ ပြန်ပြီး ဖော်ပြပေးခဲ့ဖူးပါတယ်။
“ဆုံးဖြတ်တတ်ခြင်းသည် သားကောင်ကို ကုတ်ယူသောသိန်းငှက်၏ အချိန်ကိုက်ထိုး သုတ်ခြင်းနှင့်တူသည်။”
အဲဒီစကားပါ။
စိုးနေလင်း
0 comments:
Post a Comment